draŭlany zedlik   S.B.IE.Ŭ.K.: čytaj, što pišuć
 


Artykuły
 
level up!

Tuśniak u Kleafasa

Bje baraban, hučać fanfary,
Hrajuć alty j kantrabas...
Heta ŭsio byłoje słavy —
«Paŭnočnych Afinaŭ» čas,
Kali ŭ Zaleśsi, usimi znany,
Žyŭ Michał Kleafas!

Było niemahčyma paśpieć na hety ciahnik. Jon užo prajaždžaŭ apošni pavarot, kali ŭ hałovach niaŭpeŭniena lotała naviaźlivaja dumka: «Jak prajści na stancyju?!!» Ščaślivyja i stomlenyja, ź vializnymi kłunkami i padviazanymi dyvankami, biez kvitkoŭ i lišnich słovaŭ studenty z raźbiehu zahružalisia ŭ rasčynienyja dźviery dyziela.

A jak usio pačynałasia.

Było dastatkova prykolna pračnucca na matach u škole. u škole, dzie jašče niekalki dzion tamu vučylisia dzieci i na doškach byli napisanyja jašče niaściertyja raźviazki liniejnych raŭnańniaŭ i malunki apošniaha zvanka. Paśla — chardkornaja vyklučna chałodnaja vadzička ŭ kraniku, schodka na hanku i zažyhalnaja zaradka ŭ styli Žana Raleja. Frajcajt zamiest śniadanku, jaki žorstka napatkaŭ hałodnyja straŭniki, jakija užo trojčy abkrucilisia za noč vakoł chrybietnika, byŭ pryšpilnym siurpryzam arhanizataraŭ. Studenty raspraŭźlisia ź siadziby pa prylehłym anhielskim parku šukać u lesie pryhodaŭ i kamaroŭ. Ale śniadanak adbyŭsia, paśla jakoha pačałasia śviataja imša amal što na śviežym pavietry. Kulturnaja prahrama pracahvałasia kankretnaj dyskusijaj sa sprečkami, bojkami i dachaprabiŭnymi arhumentami, jakaja zaciahnułasia ažno da viačery. Žavali kapitalna, tamu pra perspektyvu, spaźniŭšysia na ciahnik, zanačavać u lesie pad daždlivym niebam uspomnili ŭ samuju apošniuju čarhu. Chutka skłali šmotki, padviazali dyvanki i pačali aktyŭna zmahacca z naviaźlivaj dumkaj «Jak prajści na stancyju?», jakaja raptoŭna źjaviłasia nieviadoma adkul.

Za dzień da hetaha.

Sonca pryjemna kazytała tvar svaimi łaskavymi i miakkimi promniami, jakija, prabivajučysia praź firanku, napaŭniali pakoj miakkim matavym śviatłom. Piataja ranicy. Elektracyja praz paŭtary hadziny. Da jaje — duš, śniadanak, šmotki, spalniki, dyvanki i škarpetki, jakija mienavita hetaj ranicaj niekudy schavalisia. Chutki tralik, pierachod, sonnyja tvary mienčukoŭ i haściej stalicy z valizkami i sini ciahnik na dvaccać trecim puci. Heta było varta tych ranišnich chvilinaŭ, kali naŭzboč alejaŭ da pałacu Ahinskaha jašče nia vysachła rasa, a dziadźki z koniami jašče tolki pačynali jeździć pa poli. Z žoŭta błakitnych łavaŭ chucieńka byŭ składzieny impravizavany stoł, kudy kožny navaliŭ usiaho smačnaha da kučy. Zatačyŭšy kiłbasy, ahurkoŭ i jabłykaŭ, usie napružana rychtavalisia da pracy, kali vyjaviłasia, što praca pakul abłamiłasia, a my idziem na ekskursiju pa pałacy dziadziečki Michała Kleafasa Ahinskaha i prylehłych da jaho kaplicach i kaniušniach. Drabniutki doždžyk, jaki pačaŭ kroplić la kamienia Kaściuški ni razu nie sapsavaŭ nastroju tym, chto apranuŭ nia tolki adnu cišotku, a naadvarot — navat uźniaŭ jaho klovaj amal što letniaj ranicaj. A paśla raptam vyjaviłasia, što valanterstva — heta zusim navat nie ekspluatacyja darmovaj rabočaj siły, a prykolna i viesieła. Paśla abiedu było jašče kryšačku pracy pa prybirańni i ŭparadkavańniu pałaca, jakaja chutka musiła skočcycca, bo a siomaj viečara pačynaŭsia mehazažyhacielnaja supolnaja salanka, u jakoj brali ŭdzieł kožny z udzielnikaŭ vandroŭki i duchavy fołk-hurt «Altanka» — maładaja zorka na niebaschile biełaruskaj niepapsy. Vieršy, hulni, pieśni i tancy pad viasioły rok-n-roł byli nastolki zachaplalnymi, što adboj daviałosia pieranieści na hadzinu napierad. Zadavolenyja vialantery papluchalisia na maty ŭ ciopłym pamiaškańni zaleskaj škoły i spaznali tajamnicu tajamnic, toje, čaho nia viedajuć i nikoli nie zdahadajucca šarahovyja ludzi. Usie vialantery, jakija ŭ apošnija vychodnyja traŭnia adarvali svajo cieła ad ciopłaj kanapy i zavieźli jaho ŭ cichuju viosačku Zaleśsie, zaraz užo viedajuć, što ž nasamreč adbyvajecca ŭ škołach nočču.

28 traŭnia 2006         
Stefan Šachtel         
Dadać kamentar

 
 
 

naviny sajtu
14.03.2015
VMS 2.9.2: adpraŭka na velcom i life, padtrymka pieraniesienych numaroŭ
07.05.2012
VMS 2.9.1: vypraŭlenaja adpraŭka na velcom i life
27.04.2010
VMS 2.9: dadadzieny life i vypraŭleny velcom
02.03.2009
Padtrymka Windows Vista dla Belarusian (Latin) (Custom) Keyboard Layout
usie naviny
 
stužki navinaŭ
RSS
Atom
 
nie pa temie
zedlik. Persanalny błog