draŭlany zedlik   S.B.IE.Ŭ.K.: čytaj, što pišuć
 


Artykuły
 
level up!

Iścina

Jaje šukali. Hladzieli za chataj, u siencach, na haryščy. Za joj biehli da niebaschiłu, uhladalisia ŭ šeraje nieba i vyparvali sabranyja daždžavyja kropli. Pieravaročvali kamiani, vydzirali dziorn, vypalvali pareštki ŭ piečach i studzili ich ledzianoj vadoj. A jana ŭsio chavałasia.

Šmat chto znajšoŭ svaju. Mienavita tuju svaju, ź jakoj jamu dobra, ciopła i ŭtulna. Viadoma, kožny sa svajoj stupieńniu ŭpeŭnienaści i ŭłasnaj pierakananaści, sa svaim staŭleńniem da jaje, svaim fanatyzmam, svajoj vieraj u jejnuju adzinaść. Šmat skałasia duš i losaŭ, kab dakazać adzin adnomu toje, što jahonaja jana mienavita adzina pravilnaja i adzina mahčymaja. Zrešty, a ci jość jana i jakaja, nichto dakładna nia viedaŭ.

A jana była. Jana isnavała zaŭsiody i zaŭsiody jejny vodar lotaŭ u niebie, napaŭniajučy pavietra čaścinkami radaści. Jana była adzinaj. Šmat chto nabliziŭsia da jaje, sprabujučy znajści. Inšyja šukali jaje ŭ zusim inšym kirunku. Chacia chto viedaje, moža jany taksama rabili pravilna, sprabujučy padyjści da jaje z advarotnaha boku achinuŭšy śviet. A tyja, chto vieryŭ, što znajšoŭ jaje, abo što viedaje kirunak, u jakim varta rušyć, kab znajści, apantana bili sabie ŭ hrudzi i, skvapna hłytajučy pavietra, sprabavali schilić u svoj bok chistajučujusia bolšaść.

Bolšaść išła svaim šlacham. Tudy, kudy jaje viali tyja, chto joj kiravaŭ. Bolšaść, jakaja zanadta lanotnaja, kab dumać pra pravilnaść šlachu i nieparušnaść metaŭ, išła ŭ kirunku, paznačanym kalarovaj šyldaj. Časam ad vialikaha natoŭpu adkołvalisia nievialičkija hrupki, kab zbočyć ź niecikavaj, prydumanaj darohi, a časam chtości ŭlivaŭsia nazad u ahulnuju płyń, kab pavolna i bieskłapotna ruchacca ŭ nieviadomym kirunku.

Tyja, chto ščyra vieryŭ u svaju racyju, pryśviačali žyćcio pierakanańniu astatnich u svaim mierkavańni. Zredčasu ŭ ich heta atrymlivałasia, ale ŭ bolšaści vypadkaŭ flehmatyčny natoŭp abo nia čuŭ ichnaha mierkavańnia, abo kłaŭ nit na jaho, prosta spažyvajučy tolki toje, što nie patrabuje značnaha pieravarańnia. Ale jak mocna nia byŭ kožny z tych upeŭnieny ŭ svaim mierkavańni, jon nia moh navat i zdahadvacca, dzie znaści padstavy pierakanać u svaich varjackich dumkach jašče kaho-niebudź, aproč siabie i dziasiatka łatentnych. Bo znajści abjektyŭnyja i lahičnyja dokazy jamu było niezvyčajna ciažka. Nieviadoma dakładna, navat ci isnavali jany.

Šmat vady vyciakła z času, kali ludzi pačali prydumlać sabie iściny. Peŭnyja ssochli i advalilisia. Peŭnyja pieraradzilisia. Peŭnyja vytrymali vyprabavańnie časam. Uźnikli novyja, tryvałyja. Źjaviłasia palarnaść. Palarnaść i supraćstajańnie pohladaŭ, kožny ź jakich nia byŭ asprečany.

Mahčyma, niechta nabliziŭsia da jaje ŭžo vielmi blizka. Mahčyma, čyjeści asabistaja adnosnaja iścina ŭžo supała z ahulnaj abjektyŭnaj. Mahčyma, sapraŭdnaja iścina znachodzicca jašče vielmi daloka navat ad samaj blizkaj z tych, što kali znachodzili ludzi. Bo nichto nia viedaje i nia moža viedać. Jon prosta vieryć u svaju maleńkuju-maleńkuju adnosnuju iścinu i maryć, prykładajučy ŭsie namahańni, kab jana zrabiłasia iścinaj čałaviectva. Nieviadoma, ci prydbaje jano čaho ad hetaha, bo absalutnaja iścina nikoli i ni pry jakich abstavinach nia budzie dasiahnutaja. Chočacca heta kamuści ci nie.

Iścina jość. I kožny musić zrabić svoj krok ubok, kab prykłaści da žyćcia svaju. Kab pierakanacca ŭ joj, pierarabić jaje ci znajści novuju. Kab nie źviartajučy nijakaj uvahi na šerahi niavyznačyŭšychsia, iści napierad, u svoj śviet. I ja spakojny. Bo sa mnoj — maja iścina.

5 vieraśnia 2006         
Jazep Cubierbiuler         
Kamentary

Hladzieć usie kamentary ŭ Coredump
Usiaho kamentaroŭ: 2

Андрэй

02.03.2008
17:35:34
І ў чым жа Ісьціна?
georgmay

09.12.2009
00:03:36
U tym što jaje niama >_>

Dadać kamentar

 
 
 

naviny sajtu
14.03.2015
VMS 2.9.2: adpraŭka na velcom i life, padtrymka pieraniesienych numaroŭ
07.05.2012
VMS 2.9.1: vypraŭlenaja adpraŭka na velcom i life
27.04.2010
VMS 2.9: dadadzieny life i vypraŭleny velcom
02.03.2009
Padtrymka Windows Vista dla Belarusian (Latin) (Custom) Keyboard Layout
usie naviny
 
stužki navinaŭ
RSS
Atom
 
nie pa temie
zedlik. Persanalny błog