draŭlany zedlik   S.B.IE.Ŭ.K.: čytaj, što pišuć
 


Artykuły
 
level up!

Ašciemel

Papłač pa im, pakul jon žyvy,
Lubi jaho takim, jakim jon jość.
Čajf
U peryjadzie isnavańnia luboj ekskluziŭnaj rečy možna vyłučyć try stadyi. Heta jak stadyi žyćcia čałavieka abo jak stadyi dzionnaha cyklu, niavažna. Hałoŭnaje toje, što heta moža abahulnić taksama i na lubuju nia tolki kankretnuju, ale i abstraktnuju reč.

Pieršaja stadyja — naradžeńnie i raźvićcio. Kali pra novuju płyń viedajuć tolki Adzinki — aŭtary i znajomyja aŭtaraŭ. Mahčyma, jašče znajomyja znajomych aŭtara. Ale nia ŭsie. Mienavita jany, źjaŭlajučysia ŭ peŭnaj stupieni pieršaadkryvalnikami, zajmajucca prasoŭvańniem śviežych idejaŭ na masavy rynak.

Kali naprykancy pieršaj stadyi Reč jašče nie zahnułasia i praciahvaje isnavańnie, pačynajecca druhaja stadyja — tady, kali niešmatlikija karystalniki viedajuć, što Reč sapraŭdy vartaja. Viedajuć, jak joj karystacca, jak złavić kajf ad hetaha i ad taho, što ŭmiejuć joj karystacca, ale ŭžo ŭ vačoch Usichastatnich, jakija, zajzdrosna hledziačy na pieršych, atajasamlajuć ich z sučasnymi gienijami, nastupnym pakaleńniem, ludźmi novaj ery. Usieastatnija viedajuć i vydatna ŭśviedamlajuć jak heta kruta — karystać Reč — i jak jany padymucca ŭ vačoch svaich saplavych adnahodkaŭ, kali zajmiejuć sabie takuju. Tamu robiać usio mahčymaje, kab heta ažyćciavić.

A paśla nadychodzić treciaja, užo pradkazalnaja stadyja: Usieastatnija hałopam latuć na pošuki novaj mega-Rečy i pry hetym ščyra vierać, što kali jany jaje znojduć, zrobiacca žyvymi bahami. Ale da hetaha času Reč užo zhubiła svaju praktyčnuju vartaść u razumieńni Adzinak i isnuje dla ich chiba što jak zabaŭka. Kali Reč traplaje ŭ treciuju stadyju, u joj užo niama ni kropli ekskluzivu, jakoha prahnuć masavyja karystalniki, niazdolnyja ŭciamić, što ekskluziŭ i masavaść — niesumiaščalnyja paniatki. Ekskluziŭ daŭno syšoŭ, pakinuŭšy tolki pseŭdaabałonku, jakaja ŭsio praciahvaje pryvablivać łasych, ale durnych Usichastatnich pačkami. Razam z nadychodam treciaj stadyi Reč pieražyvaje duchoŭnuju śmierć, robiačysia rečču.

Adnojčy ŭ tralejbusie, vypadkova padsłuchaŭšy razmovu dvuch padletkaŭ, jakija zvyčajna razmaŭlajuć tak, što ich čuvać u procilehłym kancy salonu, pačuŭ pytańnie adnaho ź ich: «A ŭ ciabie vypadkova niama knižki „Ašciemel dla łachoŭ”?» Ja viedaŭ, što HTML užo blizki da pierachodu ŭ treciuju stadyju, ale mienavita ŭ toj momant ja zrazumieŭ, što jon užo kančatkova i niezvarotna tam. HTML, jaki kaliści byŭ prykmietaj zvyšadukavanaha i rastalenavitaha čałavieka, banalna apapsieŭ, zrabiŭšysia pa svajoj sutnaści abjektam paŭsiadzionnaha vykarystańnia daśviedčanych admysłoŭcaŭ i pryčynaj hordaści sprytnych dyletantaŭ, jakija, uliŭšysia ŭ pazaŭčorašni dzień it-sabkultury, bjuć sabie ŭ hrudzi i bieśpierapynna kryčać, jakimi ž nieŭjaŭlalna krutymi piercami jany zrabilisia.

Siońnia modna mieć sajt. Karparatyŭny, asabisty, dziońnik, forum ci kramu. Dahladać jaho, pisać na vizytoŭkach, raspaviadać siabram dy znajomym i čatyry razy na dzień praviarać statystyku pa kožnym z šaści ličylnikaŭ. I niavažna, što na karparatyŭnym sajcie — tolki try pustyja staronki, na asabistym — apisańnie koleru futra i vačej ulubionaha kata, u dziońniku zapisy niečakana skončvajucca praz tydzień paśla stvareńnia, na forumie — dva karystalniki, uklučajučy admina, a ŭ kramie — try najmieńni tavaraŭ i nie pracuje čekaŭt. Nia važna, što niechta tam nia moža znajści toje, pa što pryjšoŭ i čaho šukaŭ. Nia važna, što sajt u razumieńni sajtu — poŭnaja łaža. Važna toje, što možna kazyrnuć pierad kankurentam/klijentam/znajomym svaimi pravilnymi pryncypami karystacca apošnimi zdabytkami čałaviectva. Ale vyjožvacca daviadziecca niadoŭha, bo praz tydzień kankurent/klijent/znajomy zrobić sabie taki ž samy šedeŭr i budzie ničym nia horšy za samavituju firmu z karparatyŭnym sajtam.

U papsovaha mejnstrymu nikoli nie atrymajecca zrazumieć, što ŭsie narmalnyja sajty stvarajucca tolki z-za dźviuch pryčynaŭ: prapanavać infarmacyju abo prapanavać zručny servis. Los inšych sprobaŭ raźvić internet pieradvyznačany. I pakul zdolnyja mejnstrymaŭcy pa darozie damoŭ čytajuć toŭstyja knižki pra HTML 4.0, sapraŭdnyja lidary prydumlajuć, čym ža zajmać čałaviectva hadoŭ tak praz vosiem, bo na bližejnyja siem pragrama ŭžo stvoranaja.

travień 2005         
Kamentary

Hladzieć usie kamentary ŭ Coredump
Usiaho kamentaroŭ: 7

Zołak

10.06.2005
11:13:47
Hadoŭ 10 tamu kožny sajt byŭ zdabytkam cyvilizacyi. Siońnia sajt moža zrabić chto chočaš. Jak 10 hadoŭ tamu, hetak i siońnia jakaść takich sajtaŭ pryblizna adnolkavaja. Istotna źmianiłasia kolkaść, ź jakoj, mahčyma, budzie vyłazić jakaść. A moža j nie :) Aha, nu i pajaviłasia sapraŭdnaja interaktyŭnaść.

P.S. Ja nie tutejšy... Što takoje Ашціэмэль?
zedlik

10.06.2005
13:39:05
> Ja nie tutejšy... Što takoje Ашціэмэль?

Nu, e-e-e... Tak u peŭnych kołach vymaŭlajecca HTML. Hladzi pieršy skaz u piatym abzacy. Darečy, što cikava, zbolšaha jon byŭ padstavaj dla napisańnia.
Zołak

12.06.2005
11:16:43
A... :)) Tarmaznuŭ ja niešta z ranicy.
Nikoli nia čuŭ takoj formy. Chacia, daviałosia čuć Ejč-ti-ti-pi — i taksama za pieršym razam nie zrazumieŭ
heta ja. susied tvoj.

23.07.2005
14:10:52
A jak nakont prymauki - "Novaje - heta dobra zabytaje staroje. " Napryklad-1 staryja Isciny, jakija zaraz niamodnyja, ale jany usio zh pracujuc, niezaliezhna choczam my hetaha ci nie. ( Francysk Scaryna, Symon Budny, Majsiej i t.d. )

Napryklad-2 - matacykly, czoppiery. I czym jon bolsh stary i aryhinalny - tym lepsh, kali chozhash, tym kruciej!
zedlik

23.07.2005
21:06:31
Шаноўны сусед! Калі ты нарэшце пачнеш уважліва чытаць? Артыкул не пра новае-старое, а пра мэйнстрымавасьць і папсовасьць. Сымон Будны з матацыкламі тут абсалютна ні пры чым.
Cmok

05.06.2006
01:43:40
А я чытаю не HTML 4.0, а "HTML в подлиннике" :-)
Трэба ж з чагосьці пачынаць, каб пасля ўдасканальвацца."ўсе нармальныя сайты ствараюцца толькі з-за дзьвюх прычынаў: прапанаваць інфармацыю або прапанаваць зручны сэрвіс" / А як жа эстэтыка. Я напрыклад заўважаю прыгожа зробленыя сайты, а пасля мяне цягне іх наведаць...
zedlik

06.06.2006
13:52:01
Cmok, ня блытай назву кніжкі са стандартам. Ты ўсё правільна чытаеш :)

А што да эстэтыкі... Гэта як машыны, ну не ствараюцца ж яны, каб на іх глядзець, фоткацца зь імі або назіраць, як роўненька яны стаяць на паркоўцы. Гэтаксама і сайты. Эстэтыка, безумоўна, ёсьць, але гэта, збольшага, вельмі другасны фактар. Прыгожыя сайты — гэта мэгаклёва, але дызайн ня варты быць дызайнам дзеля дызайну.

Dadać kamentar

 
 
 

naviny sajtu
14.03.2015
VMS 2.9.2: adpraŭka na velcom i life, padtrymka pieraniesienych numaroŭ
07.05.2012
VMS 2.9.1: vypraŭlenaja adpraŭka na velcom i life
27.04.2010
VMS 2.9: dadadzieny life i vypraŭleny velcom
02.03.2009
Padtrymka Windows Vista dla Belarusian (Latin) (Custom) Keyboard Layout
usie naviny
 
stužki navinaŭ
RSS
Atom
 
nie pa temie
zedlik. Persanalny błog