level up!

Слоўнік праверкі артаграфіі для браўзэра Opera 10:

› opera-spellcheck-be (8,6 Мб)

Апісаньне слоўніка

Слоўнік прызначаны для ўбудаванай праверкі артаграфіі ў браўзэры Opera вэрсіі 10 і сьвяжэйшай (ранейшыя не падыдуць). Каб ня парыцца зь пераключэньнем слоўнікаў, адначасова падтрымліваецца праверка кірыліцы і лацінкі.

Слоўнік утрымлівае больш за паўтара мільёны словаформаў для кожнай з графікаў.

Калі табе ламае грузіць такі вялікі слоўнік, можаш загрузіць кірылічны альбо лацінкавы слоўнікі асобна. Карыстацца імі гэтаксама, як і асноўным.

› opera-spellcheck-be-tarask — для праверкі кірыліцы (3,8 Мб)
› opera-spellcheck-be-latn — для праверкі лацінкі (4 Мб)

Як карыстацца

Для ўсталяваньня файлы слоўніка (*.aff і *.dic) трэба скапіяваць у лякальную тэчку слоўнікаў. Пры запуску браўзэра слоўнік падхопіцца аўтаматычна. Лякальная тэчка слоўнікаў для кожнай з плятформаў наступная:

• Windows: $PROFILE\dictionaries\ (дзе ў якасьці $PROFILE трэба разумець шлях «Тэчка Opera» (Opera directory) на старонцы opera:about)
• Linux/UNIX: $PROFILE/dictionaries/ (дзе ў якасьці $PROFILE трэба разумець шлях «Тэчка Opera» (Opera directory) на старонцы opera:about)
• Mac: ~/Library/Application Support/Opera 10/Dictionaries/

Напрыклад, для Windows XP гэта будзе прыблізна наступны шлях: C:\Documents and Settings\USERNAME\Application Data\Opera\Opera 10\profile\dictionaries\
Калі ў цябе не XP альбо тэчкі называюцца іначай, паспрабуй дацяміць самастойна.

Пасьля гэтага трэба перазапусьціць браўзэр і актывізаваць слоўнік. Для актывізацыі слоўніка трэба адкрыць у браўзэры любую старонку, дзе ёсьць форма ўводу тэксту, і націснуць па ёй правай кнопкай мышы. Апошнім альбо перадапошнім пунктам у мэню мусіць быць пункт «Правяраць артаграфію». Калі ён не адзначаны, яго варта адзначыць і націснуць левай кнопкай яшчэ раз. Зараз апошнім пунктам мэню будзе пункт «Мова», дзе трэба выбраць мову ўсталяванага слоўніка — «be» (альбо be-tarask ці be-latn для кірыліцы ці лацінкі адпаведна).

У выніку атрымаецца наступным чынам:

З-за дастаткова вялікага памеру слоўніка ягоная загрузка можа заняць пэўны час у залежнасьці ад прадукцыйнасьці кампутара, а таму праверка артаграфіі можа актывізавацца праз 10—30 сэкундаў пасьля запуску браўзэра.

Першая альфа браўзэра Opera 10 даступная па адрасе: www.opera.com/browser/next/.

Пра здаровы сэнс

У прынцыпе, вычытаць тры мільёны словаформаў — маларэальная пэрспэктыва. Якасьць безумоўна зьяўляецца найвышэйшым прыярытэтам, і я выправіў усе адшуканыя памылкі, але мушу зазначыць, што імавернасьць сустрэць недакладнасьць ўсё ж існуе. Таму пры разыходжаньні меркаваньняў слоўніка і здаровага сэнсу я б параіў аддаць перавагу здароваму сэнсу.

Апостраф

Ва ўсіх слоўніках ужываецца правільны знак апострафу: ’ замест '.

Сумяшчальнасьць зь іншымі сыстэмамі

З высокай ступеньню імавернасьці гэтыя слоўнікі пакоцяць для праверкі артаграфіі ў Open Office і любой іншай праграме, якая падтрымлівае Hunspell, а кірылічны слоўнік — таксама ў Firefox. Але я ўсяго гэтага не правяраў.