level up!

Typograf pryznačany dla farmatavańnia tekstu pierad publikacyjaj u internecie, kab jon dobra vyhladaŭ u aknie braŭzera. Typograf zamianiaje dvukośsie na pravilnaje, rasstaŭlaje pravilnyja praciažniki, nieparyŭnyja prahały ŭ patrebnych miescach i robić šmat jakoj drabiazy, na jakuju pryjemna hladzieć, ale lanotna rabić rukami.

U jakaści asnovy vykarystoŭvajecca «Typograf» studyi Lebiedzieva. Zrešty, možna było b karystacca i im, ale jak vyjaviłasia, tam uščent adsutničaje padtrymka peŭnych paspalitych biełaruskich litaraŭ, užo navat nia kažučy pra łacinku.

Takim čynam, asablivaściami biełaruskaj versii Typografa źjaŭlajucca:

• poŭnaja padtrymka ŭsich litaraŭ biełaruskaha kiryličnaha alfabetu ŭklučna z pravilnaj rasstanoŭkaj nieparyŭnych prahałaŭ;
• padtrymka pravilnaha biełaruskaha apostrafa;
• poŭnaja padtrymka biełaruskaj łacinki ŭklučna z pravilnaj rasstanoŭkaj nieparyŭnych prahałaŭ.

Na miescy pieranosaŭ radkoŭ budzie dadadzienaja kambinacyja <br /> dla pramoj ustaŭki vyniku typahrafavańnia ŭ HTML-kod.

Asobnyja parahrafy buduć uziatyja ŭ kambinacyi <p>…</p>. Parahrafy adzin ad adnoha addzialajucca padvojnymi pieranosami radka.

Vynikovy tekst moža ŭtrymlivać symbali, jakija nie naležać da standartnaj adnabajtavaj kiryličnaj kadyroŭki. U hetym vypadku pry najaŭnaści abmiežavańniaŭ z techničnaha boku mohuć uźniknuć prablemy z zachavańniem albo vykarystańniem takoha tekstu. Pry vykarystańni html-sutnaściaŭ vynikovy tekst budzie ŭtrymlivać tolki standartnyja symbali, ale ŭ hetym vypadku źnižajecca jahonaja čytelnaść.

U vypadku padtrymki Unicodeu ŭ pryładach vykarystańnia vynikovaha tekstu, hety parametar dazvalaje bačyć tekst, jakim jon budzie.

Adnak niekatoryja braŭzery (IE, Firefox, Chrome) pry adlustravańni albo kapijavańni tekstu skažajuć peŭnyja symbali. Naprykład, nieparyŭny prahał zamianiajecca zvyčajnym. U takich vypadkach nie rekamendujecca vykarystańnie Unicodeu.

Biez uliku kankretnych asablivaściaŭ braŭzera vynik adlustravańnia dla čytača abodvuch varyjantaŭ budzie adnolkavym.

Kali dvukośsi ŭžo rasstaŭlenyja (aproč symbala «"»), to ichnaja apracoŭka ažyćciaŭlacca nia budzie. Pa zmoŭčańni ŭsie dvukośsi źmianiajucca na «» dla pieršasnych i „“ dla druhasnych.