level up!

Słoŭnik pravierki artagrafii dla braŭzera Opera 10:

› opera-spellcheck-be (8,6 Mb)

Apisańnie słoŭnika

Słoŭnik pryznačany dla ŭbudavanaj pravierki artagrafii ŭ braŭzery Opera versii 10 i śviažejšaj (raniejšyja nie padyduć). Kab nia parycca ź pieraklučeńniem słoŭnikaŭ, adnačasova padtrymlivajecca pravierka kirylicy i łacinki.

Słoŭnik utrymlivaje bolš za paŭtara miljony słovaformaŭ dla kožnaj z grafikaŭ.

Kali tabie łamaje hruzić taki vialiki słoŭnik, možaš zahruzić kiryličny albo łacinkavy słoŭniki asobna. Karystacca imi hetaksama, jak i asnoŭnym.

› opera-spellcheck-be-tarask — dla pravierki kirylicy (3,8 Mb)
› opera-spellcheck-be-latn — dla pravierki łacinki (4 Mb)

Jak karystacca

Dla ŭstalavańnia fajły słoŭnika (*.aff i *.dic) treba skapijavać u lakalnuju tečku słoŭnikaŭ. Pry zapusku braŭzera słoŭnik padchopicca aŭtamatyčna. Lakalnaja tečka słoŭnikaŭ dla kožnaj z platformaŭ nastupnaja:

• Windows: $PROFILE\dictionaries\ (dzie ŭ jakaści $PROFILE treba razumieć šlach «Tečka Opera» (Opera directory) na staroncy opera:about)
• Linux/UNIX: $PROFILE/dictionaries/ (dzie ŭ jakaści $PROFILE treba razumieć šlach «Tečka Opera» (Opera directory) na staroncy opera:about)
• Mac: ~/Library/Application Support/Opera 10/Dictionaries/

Naprykład, dla Windows XP heta budzie pryblizna nastupny šlach: C:\Documents and Settings\USERNAME\Application Data\Opera\Opera 10\profile\dictionaries\
Kali ŭ ciabie nie XP albo tečki nazyvajucca inačaj, pasprabuj daciamić samastojna.

Paśla hetaha treba pierazapuścić braŭzer i aktyvizavać słoŭnik. Dla aktyvizacyi słoŭnika treba adkryć u braŭzery lubuju staronku, dzie jość forma ŭvodu tekstu, i nacisnuć pa joj pravaj knopkaj myšy. Apošnim albo pieradapošnim punktam u meniu musić być punkt «Praviarać artagrafiju». Kali jon nie adznačany, jaho varta adznačyć i nacisnuć levaj knopkaj jašče raz. Zaraz apošnim punktam meniu budzie punkt «Mova», dzie treba vybrać movu ŭstalavanaha słoŭnika — «be» (albo be-tarask ci be-latn dla kirylicy ci łacinki adpaviedna).

U vyniku atrymajecca nastupnym čynam:

Z-za dastatkova vialikaha pamieru słoŭnika jahonaja zahruzka moža zaniać peŭny čas u zaležnaści ad pradukcyjnaści kamputara, a tamu pravierka artagrafii moža aktyvizavacca praz 10—30 sekundaŭ paśla zapusku braŭzera.

Pieršaja alfa braŭzera Opera 10 dastupnaja pa adrasie: www.opera.com/browser/next/.

Pra zdarovy sens

U pryncypie, vyčytać try miljony słovaformaŭ — małarealnaja perspektyva. Jakaść biezumoŭna źjaŭlajecca najvyšejšym pryjarytetam, i ja vypraviŭ usie adšukanyja pamyłki, ale mušu zaznačyć, što imaviernaść sustreć niedakładnaść ŭsio ž isnuje. Tamu pry razychodžańni mierkavańniaŭ słoŭnika i zdarovaha sensu ja b paraiŭ addać pieravahu zdarovamu sensu.

Apostraf

Va ŭsich słoŭnikach užyvajecca pravilny znak apostrafu: ’ zamiest '.

Sumiaščalnaść ź inšymi systemami

Z vysokaj stupieńniu imaviernaści hetyja słoŭniki pakociać dla pravierki artagrafii ŭ Open Office i luboj inšaj pragramie, jakaja padtrymlivaje Hunspell, a kiryličny słoŭnik — taksama ŭ Firefox. Ale ja ŭsiaho hetaha nie praviaraŭ.