draŭlany zedlik   S.B.IE.Ŭ.K.: čytaj, što pišuć
 


Artykuły
 
level up!

Druhi servis-pak dla XP. Niemahčymaje mahčyma?    

Prajšło ŭžo bolš za miesiac paśla vychadu finalnaj versii druhoha servis-paku dla XP, a sietkavaja hramadzkaść usio maŭčyć, i tolki nievialičkija artykuły siam-tam źjaŭlajucca, paviedamlajučy ab tym, što reliz usio-tki adbyŭsia. Pamiatajecca, što pieršy hlabalny pakiet abnaŭleńniaŭ vyklikaŭ šyroki rezanans svaim stop-listom, pra jaki havaryli ŭsie i šmat. A zaraz cišynia... Nie dačakaŭšysia jakich-niebudź tałkovych kamentaroŭ pa hetaj temie, vyrašyŭ pastavić sam.

Chodziać čutki, byccam by servis-pak stavicca kala 30 chvilinaŭ. Biessaromnaja łuchta! U mianie praces ustalavańnia zaniaŭ 52 chviliny, nia ŭličvajučy toje, što paśla pieršaj pierazahruzki vindavz doŭha dumaŭ, hruzicca jamu ci nie.

Nu chrenli, zahruzilisia. Vylezła akno PGP: «Cannot establish connection with the PGP SDK service.» Navošta jamu SDK service — paniaćcia nia maju, ale nia vielmi ŭražvała. Tut ža vyskačyŭ mesidž-boks StyleXP, paviedamiŭšy, što na maim biłdzie vindy jon pracavać admaŭlajecca. Nu, dobra, paśla budziem raźbiracca. Abviešany łokšynaj pra abaronu ad pierapaŭnieńnia steku ŭ RPC i inšych servisach, a taksama pra druhuju versiju fajrvołu, vyrašyŭ zhojsać u net. Poštu čeknuć. ;) Opački, a tečka Network Connections pustaja... Kazły! Navat vizarda dla stvareńnia novaha złučeńnia nie pakinuli.
Pajšoŭ u panel kiravańnia. Tut zaŭvažaju, što Language Bar siadzić akurat kala knopki Start i knopcy paneli kiravańnia miesca na taskbary sastupać zusim nie źbirajecca. Ciahaŭ statusbar z taskbaram i Language Bar za strełki ŭzad i upierad, ale prymusić knopki zapuščanych pragramaŭ źjavicca źleva ad Pusku nie atrymałasia.
Pajšoŭ kałupać nałady sietki. A aplet kaža, što maŭlaŭ, servis, jaki adkazvaje za ŭsiu hetu badziahu nie zapuščany. Cipa zapuści, a paśla my z taboj parazmaŭlajem. Zapuściŭ aplet kiravańnia servisami. Na pieršaj zakładcy byŭ tolki sini paŭkruh. Vidać, servis kiravańnia servisami taksama nie zapuščany. U metach biaśpieki. Na druhoj zakładny ŭsio-tki paščaśliviłasia adšukać śpis servisaŭ, bolšaja častka jakich znachodziłasia ŭ stanie Stopped. Znajšoŭ patrebny i nacisnuŭ na ŭłaścivaści, kab zapuścić adtul. But nothing happened. Nacisnuŭ jašče raz. Z tym ža vynikam. Hy. Milhanuła dumka, što možna ž zapuścić i praz kantekstnaje meniu. Skazali, što hety servis zaležyć ad inšych, jakija taksama stopped, i zapuskać hety admovilisia. Fiška była ŭ tym, što pahladzieć, ad jakich servisaŭ zaležyć kankretny servis možna va ŭłaścivaściach. Jakich niama. Viesieła.

Pačaŭ pacichu ŭśviedamlać, što doŭhi pramiežak času ad uvodu parola da źjaŭleńnia ikonak na pracoŭnym stale — nie zusim vypadkovaść. Dakładniej, zusim nie vypadkovaść.
Jašče adna cikavaja fiška. Knopka Win na klavijatury, pryznačanaja dla adkryćcia hałoŭnaha meniu, pracavać uparta nie chacieła. Toje samaje było z kambinacyjaj Ctrl+Ess, meniu nie źjaŭlałasia. Kančatkovuju kropku pastaviŭ pejntbraš, jaki, zachoŭvajučy cikavyja skrynšociki, kazaŭ, što «unable to register document». Adnak, usio zachoŭvałasia i navat prahladałasia.

Jašče adna cikavaja akaličnaść, jakaja vyjaviłasia paźniej: ikspłorer tečki bolš nie vyrazaje i nie kapijuje. To bok, skapijavać praz kopi-pejst ci kat-pejst što-niebudź z vykarystańniem defołtnaj abałonki ŭ mianie nie atrymałasia. Nie pracavaŭ navat drag'n'drop. Ja fihieju, darahaja redakcyja. Pakul što bolej pytańniaŭ, čym adkazaŭ.

Prykinuŭšy, što takoje ščaście mnie nia treba, uspomniŭ dobrym słovam dziadziu Bili i palez u Remove Programs znosić 300Mb biaskoncaj radaści. Radaść spačatku niešta tam estimate, ale paśla skazała, što the system cannot find the file specified i vydalacca nie zachacieła. Mahčyma tamu, što, jak jana česna mianie papiaredziła, «you might remove security updates that help protect your computer». Nu prosta super — nie ŭstalavać, nia źnieści.

Pajšoŭ spać, dumajučy pra toje, što ŭznavić usio za 10 chvilinaŭ nie atrymajecca, i spadziejučysia na mudruju ranicu.

Ranicaj, adnak, lepiej nia stała — usio tyja ž spynienyja servisy i adsutnaść voknaŭ na taskbary. Tamu było pryniataje adnaznačnaje rašeńnie: «Rezać k čortavaj maciery».

Zahruziŭsia ŭ rezervovuju systemu, kab uznavić usio z bekapu. Adfarmatavaŭ systemny dysk i raspakavaŭ tudy jahonuju ŭčorašniuju kopiju. Na ŭsio pajšło kala dvaccaci chvilinaŭ. Rar z opcyjaj kapijavańnia pravoŭ NTFS — mega-rulez. Ščaślivy pierazahruziŭsia i pajšoŭ praviarać poštu.

Admoŭnych vodhukaŭ pra servis-pak stała na adzin bolej. Beta-testavańnie praciahłaściu ŭ paŭhodu nie dało plonu, i ŭ raździeł daŭnłoad mikrasoftaŭskaha sajtu znoŭ patrapiŭ syry pradukt. Kažuć, što IBM prykładna pa takich samych pryčynach rychtuje ŭłasnuju madyfikavanuju versiju abnaŭleńnia, stabilnuju i biazhlučnuju. Što ž, budziem čakać.

15.09.2004         

mysql_connect() [function.mysql-connect]: Access denied for user 'zedlik_dbuserx1'@'localhost' (using password: YES)
Памылка падчас выкананьня.
Паспрабуй пазьней, альбо зьвяжыся з аўтарам, калі табе сюды насамрэч трэба.

Pamyłka padłučeńnia da servera bazy dadzienych

 
 
 

naviny sajtu
14.03.2015
VMS 2.9.2: adpraŭka na velcom i life, padtrymka pieraniesienych numaroŭ
07.05.2012
VMS 2.9.1: vypraŭlenaja adpraŭka na velcom i life
27.04.2010
VMS 2.9: dadadzieny life i vypraŭleny velcom
02.03.2009
Padtrymka Windows Vista dla Belarusian (Latin) (Custom) Keyboard Layout
usie naviny
 
stužki navinaŭ
RSS
Atom
 
vialiki brat
 
nie pa temie
zedlik. Persanalny błog