 |
|
Adpraŭ SMS!
Vielmi časta GSM-aperatary stvarajuć web-giejty dla adpraŭki
SMS-paviedamleńniaŭ abanentam z ułasnaha sajtu. Takaja pasłuha
ŭ absalutnaj bolšaści vypadkaŭ źjaŭlajecca biaspłatnaj, bo brać
za jaje hrošy navat niejak śmiešna. Voś užo chutka paŭhodu, jak
abodva biełaruskaja GSM-aperatary majuć takuju pasłuhu. Ale
čym bolš ludziej padłučajucca da sietak mabilnych aperataraŭ,
tym bolšaja imaviernaść zapusku i aprabavańni ŭ šyrokich
kołach novaj hulni — «SMS-spam».
Ź miesiac tamu pa bajnecie chadzili plotki, što niechta tam
źbirajecca na niejkija tam telefony adpravić niejkija tam
paviedamleńni, pryčym takija abiacańni nasili masavy charaktar.
Ciažka skazać, jakim šlacham planavałasia adpraŭka sotniaŭ tysiačaŭ
paviedamleńniaŭ, ale web-giejty vyhladajuć vielmi smačna dla
praviadzieńnia padobnaha rodu aperacyjaŭ. I jak pakazała praktyka,
tryvałaść interfejsaŭ biełaruskich GSM-aperataraŭ da
ažyćciaŭleńnia takich atak vielmi nizkaja. Ale ŭsio pa
paradku.
Vełkom. Aperatar, jaki pieršy zapuściŭ fišku adpraŭki SMS
z ułasnaha sajtu i vielmi doŭha siadzieŭ samotny, čakajučy,
pakul kankurent(y), zrobiać niešta padobnaje. Tut varta
zaznačyć, što apisańnie da pracesu adpraŭki paviedamleńniaŭ
časam pracuje, ale ŭ bolšaści vypadkaŭ pracuje vielmi kryva
abo nie pracuje zusim. Heta tyčycca taksama i MTS. Dyk voś,
z apisańnia na sajcie Vełkom možna daviedacca, što adpraŭka
ažyćciaŭlajecca tolki na numary, uładalniki jakich vykazali
svajo žadańnie atrymlivać paviedamleńni z netu. Tym nia mienš,
znachodziacca abanenty, jakija takoha žadańnia nie vykazvali,
prynamsi, uspomnić jany pra heta nia mohuć, a paviedamleńni
prychodziać. Abmiežavańni na toje, što z adnaho ip-adrasu i na
adzin numar moža być adpraŭlena i, adpaviedna, pryniata nia
bolš za 10 paviedamleńniaŭ na dzień taksama pracuje praź
pień-kałodu. Test z adpraŭkaj piatnaccaci paviedamleńniaŭ na
adzin numar z adnaho adrasu paćvierdziŭ heta. I kali ŭsio-tki
časam sustrakalisia paviedamleńni pra toje, što dla adrasu,
ź jakoha adbyvałasia adpraŭka, limit paviedamleńniaŭ vyčarpany,
dla kankretnaha numaru ŭbačyć takoje nie atrymałasia. A praź
niekatory čas na sajcie źjaviłasia paviedamleńnie:
«Źviartajem Vašu ŭvahu, što karystalniki, jakija
złoŭžyvajuć mahčymaściu adpraŭki biaspłatnych SMS, zanosiacca
ŭ śpis, što zabaraniaje hetuju mahčymaść. Akramia taho, zakrytaja
adpraŭka SMS z šerahu publičnych proxy-serveraŭ».
Cikava, jakim čynam vełkom źbirajecca identyfikavać
niahodnikaŭ? Pa ip? Pa padsietcy? Braŭzery? A moža, pa kukach?
Ale niahodniki chutka biahuć za niepubličnymi proksi i
čyściać kuki. Adzinaje, što pracuje, — dyk heta
abmiežavańnie na 150 symbalaŭ.
MTS. Tut taksama napisali, što atrymać paviedamleńni mohuć
tolki abanenty, jakija aktyvizavali pasłuhu atrymańnia SMS z
web-giejtu. I sapraŭdy, heta pracuje. Pracuje navat abmiežavańnie
na adno paviedamleńnie ŭ chvilinu z adnaho ip-adrasu ci adnamu
abanentu. Ale voś abmiežavańnie na 10 paviedamleńniaŭ u sutki
źjaviłasia znoŭ tolki słovami. Adpraŭlaj choć dziesiać, choć
dvaccać. Ale samaje smačnaje ŭ giejcie hetaha aperatara
vyjaviłasia paźniej.
Jak viadoma, maksymalnaja daŭžynia SMS-paviedamleńnia składaje
blizu 160 symbalaŭ, ale paviedamleńni, daŭžynia jakich
pieravyšaje maksymalnuju, zvyčajna režucca na častki i
adpraŭlajucca jak asobnyja paviedamleńni, a paśla
sklejvajucca na telefonie abanenta. I jak viadoma, MTS pry
adpraŭcy paviedamleńniaŭ z internetu dadaje ŭ kaniec ip-adras
adpraŭnika. Ale kali praz formu MTS adpravić paviedamleńnie,
bolšaje za 160 symbalaŭ, jano, jak heta ni
dziŭna, dojdzie całkam. Bolš za toje, kali daŭžynia
paviedamleńnia składzie niedzie 700-900 symbalaŭ (zaležyć
ad madeli telefona), jano taksama dojdzie ale ŭžo navat biez
ip-adrasu. Uźnikaje mierkavańnie, što ip-adras dadajecca da
paviedamleńnia, jakoje pryjšło z formy, ale nie dachodzić da
ŭładalnika telefona z-za vialikaj daŭžyni paviedamleńnia,
abrezaŭšysia niedzie pa darozie.
Najbolš abaronienym ad padobnaha rodu atak zaraz vyhladaje
Dyjalog, jaki nia tolki prosić dla adpraŭki paviedamleńnia
skazać jamu lik, napisany kala formy, ale i samu formu
zrabiŭ dastupnaj tolki pa pratakole SSL. Ciažka skazać,
zroblena heta admysłova ci zastałosia ad biaśpiečnaha dostupu
da ISSY, ale jano pracuje i robić usio mahčymaje, kab pieraškodzić
niahodnikam pastavić adpraŭku SMS z internetu abanentam
Dyjalogu na kanvejer.
Užo, peŭna, niedaloka toj čas, kali jaki-niebudź SpamAssassin
budzie partavany na mabilnyja telefony, kab roznyja tam penis
enlarger i kvatery ŭ Maskvie adrazu adpraŭlalisia ŭ treš, nie
adryvajučy svajho adrasata ad napružanaha pracoŭnaha dnia.
Systemy adpraŭki SMS z internetu abodvuch biełaruskich
GSM-aperataraŭ jašče vielmi niedaskanałyja. Nahladna ŭpeŭnicca
ŭ hetym ty zmožaš pry dapamozie admysłovaj pragramy VMS, jakaja dastupnaja razam z poŭnym zychodnym kodam. Toje,
što ŭ toj ža Maskvie prapanujuć za hrošy, ty možaš
uziać tut absalutna biaspłatna dy jašče i z sorcami! Davaj
chutčej.
14.11.2004
Kamentary
Hladzieć kamentary ŭ Coredump
Usiaho kamentaroŭ: 3
xaczyk
09.01.2005
03:58:12 |
талковы і артыкул і праграмуля. усё працуе. дзякуй. |
iDragon
16.10.2005
18:17:35 |
большое спасибо за программу, и за открытия фишки отправки сообщений на МТС более 160 символов |
Andrey
05.12.2005
01:42:51 |
Спасибо за такую прогу, особенно прикольно что на белорусском языке |
|
|
|
|
|
|
|
