Драўляны зэдлік

VMS 2.9: дададзены life і выпраўлены velcom

Tue, 27 Apr 2010 00:49 GMT

VMS абнавілася да вэрсіі 2.9. Дададзеная падтрымка адпраўкі паведамленьняў на life, а таксама выпраўленая адпраўка паведамленьняў абанэнтам velcom.

Зарузіць архіў. Адкрыць старонку. Глядзець чэйнджлог.

Падтрымка Windows Vista для Belarusian (Latin) (Custom) Keyboard Layout

Mon, 02 Mar 2009 06:56 GMT

Крыху абноўленая раскладка лацінкі Belarusian (Latin) (Custom) Keyboard Layout — цяпер яна падтрымлівае Windows Vista.

Праверка артаграфіі для беларускай лацінкі

Wed, 21 Jan 2009 21:04 GMT

Нарэшце створаны першы ў сьвеце слоўнік праверкі артаграфіі для беларускай лацінкі ў браўзэры Opera. Слоўнік адаптаваны для праверкі артаграфіі ў сьвежай вэрсіі Opera 10, якая пакуль яшчэ носіць статус альфы, але фінальная мусіць неўзабаве зьявіцца.

Каб не пераключацца паміж рознымі слоўнікамі, для зручнасьці ў слоўнік праверкі артаграфіі ўключаныя адразу 2 графікі: кірыліца і лацінка, такім чынам аб'яднаны слоўнік дазваляе адначасова правяраць як лацінку, так і клясычны правапіс.

Слоўнік быў створаны на падставе слоўніка Алекса Булойчыка і Віталя Хілько, але з улікам таго, што сайты, дзе разьмяшчаўся гэты слоўнік, дзіўным чынам перасталі працаваць, кірылічная частка з выпраўленьнем пэўных хібаў таксама выкладзеная асобна — як і лацінка, для зручнасьці.

Слоўнік праверкі артаграфіі выкарыстоўвае фармат Hunspell, а гэта азначае, што тэарэтычна праверку артаграфіі можна прычапіць у любую праграму, якая падтрымлівае гэты фармат.

Падрабязнасьці і файлы для загрузкі шукай на старонцы слоўніка.

Новыя вэрсіі раскладак Belarusian Typo і Belarusian (Latin) Programmers Keyboard Layout

Mon, 19 Jan 2009 07:18 GMT

Абнавіліся раскладкі Belarusian Typo і Belarusian (Latin) Programmers Keyboard Layout — абедзьве да вэрсіі 2.0. Абнаўленьне насьпявала даўно, але ўсё ламала правесьці прыстойнае тэставаньне.

З асноўных зьменаў, якія напаткалі раскладку беларускай лацінкі Belarusian (Latin) Programmers Keyboard Layout — гэта падтрымка Windows Vista (у тым ліку трох архітэктураў працэсараў уключна з 64-бітавымі), зьявілася магчымасьць уводу правільнага апострафа, канцавы сымбаль двукосься заменены на больш слушны, а таксама дададеныя новыя карысныя сымбалі.

З асноўных зьменаў тыпаграфскай раскладкі беларускай мовы Belarusian Typo — гэта канцавы сымбаль двукосься выпраўлены на слушны для кірыліцы, дададзенае шматкоп’е, а таксама зьявілася дастаткова вялікая колькасьць новых карысных сымбаляў.

Больш падрабязную інфу шукай на выявах на старонках раскладак: Belarusian Typo і Belarusian (Latin) Programmers Keyboard Layout.

Беларускі Тыпограф

Mon, 08 Dec 2008 06:11 GMT

Стала даступная беларуская вэрсія Тыпографа. Тыпограф прызначаны для фарматаваньня тэксту перад публікацыяй у інтэрнэце. Пры гэтым расстаўляюцца правільныя элемэнты тыпаграфікі — слушныя двукосьсі, працяжнікі, непарыўныя прагалы. Асаблівасьцю беларускай вэрсіі Тыпографа зьяўляецца поўная падтрымка ўсіх літараў беларускай мовы як у кірылічнай, так і ў лацінкавай графіцы.

Больш падрабязныя зьвесткі даступныя на староцы апісаньня прылады.

VMS 2.8.3

Mon, 24 Nov 2008 18:47 GMT

Для прадухіленьня спаму вэлком увёў абарону лічбавым кодам ад аўтаматычнай адпраўкі СМС-паведамленьняў праз шлюз на вэб-сайце. Адпраўка на вэлком выпраўленая, але зараз для адпраўкі паведамленьня давядзецца кожны раз уводзіць лікавы код — пра аўтаматычнае распазнаваньне пакуль ня можа ісьці і гаворкі. Але тым ня менш, паведамленьні зараз зноў адпраўляюцца пасьпяхова.

Загрузіць архіў. Адкрыць старонку. Глядзець чэйнджлог.

Пераклад Opera 9.60

Mon, 20 Oct 2008 05:20 GMT

Зьявіўся пераклад для Opera 9.60. Выпраўленыя артаграфічныя памылкі і практычна ўсе фразы перабудаваныя так, каб яны зьмяшчаліся без абразаньняў у адпаведных палёх інтэрфэйсу.

Лякалізацыя браўзэра даступная кірыліцай і лацінкай.

Пераклад Opera 9.50–9.51

Sun, 06 Jul 2008 11:26 GMT

Выйшаў пераклад для Opera 9.50–9.51. У самім перакладзе зроблена шмат невялікіх зменаў, а асноўнай фішкай у новай Опэры стала магчымасьць сынхранізацыі сваіх закладак і элемэнтаў хуткага набору праз суполку Opera, пасьля чаго яны робяцца даступнымі ў любым месцы ў любы час.

Пераклад кірыліцай. Пераклад для эстэтаў.

VMS 2.8.2

Mon, 19 May 2008 17:55 GMT

Пасьля рэбрэндынгу Вэлкома таксама зьмяніўся сэрвэр адпраўкі SMS, і паведамленьні перасталі адпраўляцца. Таму выйшла выпраўленая VMS 2.8.2, дзе адпраўка на Вэлком зноў працуе як трэба. На закусь — распазнаваньне статусу дастаўкі паведамленьня ў тэлефон абанэнта для МТС ну і сёе-тое дробнае.

Грузіць архіў. Адкрыць старонку. Глядзець чэйнджлог.

Кірыłaca ў новым фармаце!

Wed, 07 May 2008 06:21 GMT

Пілётны праект «Кірыłaca» зьмяніў фармат і ўжо даступны па новым адрасе www.kirylaca.com! Першая старонка палягчэла ў тры разы, а таму карыстацца прыладай стала яшчэ зручней!

«Кірыłaca» — першая беларуская онлайн-раскладка, з дапамогай якой магчыма пісаць адэкватнай беларускай лацінкай ці кірыліцай паўсюль, дзе ёсьць інтэрнэт і ангельская раскладка клявіятуры.

Раскладка беларускай мовы Belarusian Typo

Wed, 19 Mar 2008 07:44 GMT

Аднойчы было вырашана завязаць з дыскрымінацыяй на глебе адзіналацінкавараскладкавых магчымасьцяў, а таму на падставе звычайнай кірылічнай раскладкі беларускай мовы была створаная больш прасунутая мадыфікацыя, якая дазваляе ўводзіць з клявіятуры цывільным шляхам сапраўдныя працяжнікі і адэкватную тыпаграфіку. Ну і сапраўдны беларускі апостраф заадно.

Зараз у магчымых раскладках на сайце ўжо стала практычна не разабрацца, але калі ты карыстаешся стандартнай раскладкай беларускай мовы, то раскладка Belarusian Typo для цябе!

Поўны сьпіс дадатковых магчымасьцяў шукай на старонцы раскладкі. Ну і ўзяць яе прама зараз можна тут.

VMS абнавілася да вэрсіі 2.8.1

Wed, 05 Dec 2007 16:20 GMT

VMS абнавілася да вэрсіі 2.8.1. Выпраўленая адпраўка на Diallog, але аўтаматычнае распазнаваньне малюнку зараз недаступнае. Зьявілася падтрымка сыстэмнага трэю з магчымасьцю поўнага згортваньня ўсіх вокнаў праграмы з працоўнага стала. А таксама выпраўленая памылка з запускам некалькіх копіяў праграмы.

Загрузіць архіў. Старонка праграмы. Чэйнджлог.

Выйшла VMS 2.8!

Tue, 02 Oct 2007 16:16 GMT

Зьявілася новая вэрсія VMS 2.8, у якой былі рэалізаваныя новыя істотныя фішкі: гісторыя адпраўленых паведамленьняў, статыстыка, дзе можна паглядзець колькі, калі і куды было адпраўлена паведамленьняў, а таксама падтрымка адпраўкі з каманднага радку, апісаньне якой можна знайсьці ў файле падказак разам з праграмай, і самае галоўнае — падтрымка новых кодавых зонаў апэратараў: +375 44 і +375 33. Абнаўленьне highly recommended!

Загрузіць архіў. Старонка праграмы. Поўны чэйнджлог.

Зноў у эфіры!

Tue, 14 Aug 2007 22:40 GMT

Мы зноў у эфіры!

За апошні час асаблівых зьменаў не адбылося, апроч таго, што перастала працаваць адпраўка на Velcom, таму варта абнавіцца да выпраўленай вэрсіі. Пакуль падтрымліваецца адпраўка на нумары зоны 29, адпраўка на нумары новай зоны 44 рыхтуецца.

VMS 2.7.2

Thu, 26 Apr 2007 06:16 GMT

Новая вэрсія VMS 2.7.2 ужо даступная для загрузкі.

У выніку зьменаў парамэтраў адпраўкі, sms-паведамленьні на Velcom перасталі адпраўляцца і выводзілася толькі папярэджаньне пра памылку. Зараз адпраўка зноў працуе.

Старонка праграмы.

Сьвежыя пераклады для Опэры 9.20

Wed, 18 Apr 2007 07:21 GMT

Сьвежыя пераклады для Опэры 9.20 ужо ёсьць! Асноўная фішка чарговай вэрсіі — зьяўленьне «хуткага набору» — калі можна літаральна за два клікі або націскам дзьвюх кнопак загрузіць адну зь дзевяці ўлюбёных старонак.

Пераклад для людзей. Пераклад для эстэтаў.